Og álvershraðlestin leggur af stað

Það er ekki seinna vænna fyrir landsmenn að drífa sig í sumar að sjá helstu náttúruperlurnar á Reykjanesskaganum áður en þær falla fyrir áldrekanum sem er kominn á fulla ferð aftur.

Nú er um að gera að veita Sól á Suðurnesjum öflugan stuðning á næstu mánuðum og krefjast þess að það verði íbúakosning um álverið eins og í Hafnarfirði.  

Skýrsla vegna umhverfismats álvers í Helguvík lögð fram

Athugasemdir

[Álversdrekinn (IP-tala skráð) 15.5.2007 kl. 16:52]

Góðan dag, hvaða náttúruperlur eru það nákvæmlega sem þú ert að tala um? Ég veit ekki betur en að það sé nú bara grjót og möl þar sem álverið rís og ekki fer nú mikið fyrir þeim orkuverum sem afla orkunnar fyrir þetta álver!

Það er leiðinlegt að heyra menn tala af svona mikilli vankunnáttu og sleggjudómum. Hefur þú nokkurntíma stigið fæti inn á Helguvíkursvæðið? Það verður seint metið til náttúruperlu get ég sagt þér!

Um álverið í straumsvík og kosninguna þar um þá vil ég nú bara benda á það að það var ekki álverið sem skipulagði byggð inn í löngu skipulagt iðnaðarsvæði!

[Lárus Vilhjálmsson, 15.5.2007 kl. 17:20]

Úpps, er nú álversdrekinn sjálfur mættur á svæðið. Og "kurteisin uppmáluð eins og venjulega".

Ég held að ég hafi nú ekki nefnt Helguvík sérstaklega sem náttúruperlu. Og já, ég hef komið þangað nokkrum sinnum. Kannski var þetta náttúruperla áður en höfnin og olíutankarnir komu? 

Náttúruperlurnar eru t.d. Seltún, Trölladyngja, Brennisteinsfjöll og fleirri staðir á Reykjanesskaga og einnig er um nokkur svæði að ræða á Hengilsvæðinu. Ef þér finnst lítið fara fyrir jarðvarmaorkuverum ættir þú að gera þér ferð upp á Hellisheiði þar sem virkjunin þar hefur lagt undir sig hálfa heiðina. Og svo má náttúrulega ekki gleyma háspennumöstrunum ofurfögru.

Varðandi Straumsvík og álverið þar að þá var sú stækkun felld í íbúakosningu og ljóst að íbúarnir vildu frekar byggð en álver.