Lalli Vill er hér

1.4.2007 | 22:15

Sorglegt!

Það er sorglegt að Hagur Hafnarfjarðar ætlar að reyna að viðhalda því andlega borgarastríði sem þau komu af stað í aðdraganda kosninganna í Hafnarfirði ásamt ALCAN með því að ásaka Sól í Straumi um kosningasvindl.

Hræðsluáróður ALCAN og Hags Hafnarfjarðar manna um að álverið myndi loka ef stækkun fengist ekki hefur valdið hugarangri hjá mörgum starfsmönnum álversins og fyrirtækja sem þjóna álverinu. Þessi áróður hefur valdið sárindum á milli vina og ættingja og eins og sást á kosningunni í gær er bærinn klofinn í tvær fylkingar. Þessvegna er nauðsynlegt nú þegar niðurstaða kosninganna liggur fyrir að sætta fólk og lækna sárin. Og ábyrgðin á því liggur hjá þeim sem deildu harðast, Sól í Straumi, ALCAN og Hag Hafnarfjarðar.

Í ljósi þessa er sorglegt að Hagur Hafnarfjarðar skuli leggjast svo lágt að bera kosningasvindl upp á okkur sem stóðum að Sól í Straumi. Það er bara ljótt og ekki leið til sátta.

	Hagur Hafnarfjarðar segir brögð í tafli
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Leynileg aðgerð sem felur í sér að fá 700 manns til þess að flytja lögheimili sitt til Hafnarfjarðar og kjósa á móti álveri. Þvílík della og þótt svo væri hvernig ætla þau að sýna fram á að það hafi verið kosið á móti en ekki með.

Vigfús (IP-tala skráð) 1.4.2007 kl. 22:40

Sæll.

Vissulega þarf að lækna sárin sem þetta mál myndaði. Það má ekki kenna því uppá Alcan, Sól í Straumi eða Hag Hafnarfjarðar heldur kjarklitlum meirihluta sem ekki þorði að gera vinnuna sína. Þ.e.a.s taka ákvörðun sem þeir voru kosnir til þess að gera.

Svo er annað. Ef þessar miklu ásakanir eiga við einhver rök að styðjast þá er það gríðarlega alvarlegt mál. Auðvitað ákveða menn hvort grundvöllur sé fyrir rannsókn eða ekki. En kemur mönnum á óvart að þetta mál munu draga dilk á eftir sér???

Niðurstaðan er komin í þetta mál, við Suðurnesjamenn fáum þá líklegast okkar Álver í Helguvík fyrr en seinna. Það er hið besta mál.

Örvar Þór Kristjánsson, 1.4.2007 kl. 22:43

Já, maður átti ekki von á neinu öðru en að allt yrði reynt til að draga úr trúverðugleika. Hvernig er vitað að þessir 700 manns voru ekki að kjósa með stækkun? Eða voru það kannski bara 89 manns?

Jóhann (IP-tala skráð) 1.4.2007 kl. 23:20