Glæsileg opnun hjá Sól í Straumi

Það var glæsileg opnun á kynningarmiðstöð Sólar í Straumi í Hótel Víking í gær. Alveg pakkað inn úr dyrum kl:4 þegar Heiða spilaði nokkur lög fyrir gesti. Pétur og Valgerður fóru svo yfir aðgerðaáætlun næstu vikna og góðar kveðjur komu frá Sólunum á Suðurlandi og Suðurnesjum.

Það var margt góðra gesta á staðnum. Þótt að Vinstri grænir væru áberandi á staðnum með þingmenn og bæjarfulltrúa fremsta í flokki var þarna fólk úr öllum flokkum. Það vakti þó athygli mína að Þórunn Sveinbjarnardóttir var eini frambjóðandi Samfylkingarinnar í kraganum sem ég sá og ekki bólaði á frambjóðendum Sjálfstæðisflokks og Framsóknarflokks. Eins voru bæjarfulltrúar Sjálfstæðisflokksins og Samfylkingar fjarri góðu gamni enda annahvort fallin í faðminn hjá ALCAN eða tvístígandi á hlaðinu.

Það var lika gaman að sjá marga gamla vini og skólafélaga fjölmenna á svæðið. Það var gott að finna þennan mikla stuðning sem Sól í Straumi nýtur og vonandi nýtist hann til að atkvæðagreiðslan þann 31. mars felli stækkunina í Straumsvík.

Upplýsingamiðstöðin verður opin frá 13-18 alla daga fram að kosningum. 

Athugasemdir

[Júlíus Garðar Júlíusson, 12.3.2007 kl. 13:23]

Sæll Lárus...er ekki mynd af þér í Fréttablaðinu að tala við opnunina í gær ? en það er talað um þig sem Pétur...eða ert þetta kannski ekki þú .

[Lárus Vilhjálmsson, 12.3.2007 kl. 16:10]

Jú þetta er ég. Ég var fundarstjóri en þeir hjá Fréttablaðinu hafa ruglað mér saman við Pétur.

[Júlíus Garðar Júlíusson, 14.3.2007 kl. 08:15]

Sko...segðu svo að maður þekki þig ekki..jafnt að framan sem að aftan.

[Vilhjálmur Andri Kjartansson (IP-tala skráð) 14.3.2007 kl. 17:45]

Það er gott að sjá að öfgaliðið í íslenskum stjórnmálum hefur fundið sinn griðastað þar sem það getur bullað.

[Júlíus Garðar Júlíusson, 15.3.2007 kl. 09:49]

Þegar fólk talar um öfga hjá öðrum er gott að byrja að líta sér nær.

[Vilhjálmur Andri Kjartansson (IP-tala skráð) 15.3.2007 kl. 12:11]

Já segðu ég tók bara beint upp setningu frá Lárusi og heimfærði yfir á hann en þess má geta að hann hann sagði nánast sömu orð á annarri síðu án þess að bjóða upp á rökstuðning. 

[Lárus Vilhjálmsson, 15.3.2007 kl. 12:26]

Blessaður Vilhjálmur. Ég sló þessu fram á síðunni án nokkurra raka vegna þess að flest kommentin á síðunni voru án nokkurra röksemda og voru fyrst og fremst alhæfingar.  Þegar ég tala um öfgaliðið þá er ég fyrst og fremst að tala um þá aðila bæði til vinstri og hægri sem lifa í svarthvítum heimi og tala eins og þeirra sé sannleikurinn og þeirra rökræða er yfirleitt staðhæfingar og sleggjudómar (og oft með dónaskap með). Það er leiðinlegt að þú skyldir endursenda þessa setningu mína á Júlla vin minn sem öfgalausasti maður sem ég þekki (nema ef vera skyldi gagnvart fótaboltanum).

Besta kveðja

[Vilhjálmur Andri Kjartansson (IP-tala skráð) 15.3.2007 kl. 12:44]

Ef hann er Liverpool maður má fyrirgefa honum allt í boltanum.

Það nokkur hroki fólginn í því að ætla að allir sem ekki ganga einhvern meðalveg séu að predika öfga. Er frelsi einstaklinga öfgar? eru það öfgar að berjast gegn kúgun, ofbeldi og þvingunum?  Er krafa um grunndvallarréttindi öfgar? Það er vissulega öfgar í augum sumra, ég gæti trúað því að margir meðlimir í VG sjá þessa hluti sem öfga eða aðrir vinstrimenn. Að sama skapi eru boðorð þeirra um frekari þvinganir á einstaklinga öfgar í mínum eyrum. Þegar við teljum aðra fara með öfgar er ávalt best að benda á öfgana, opin umræða skilar alltaf miklu meiru en órökstuddar fullyrðingar og framí köll.

[Lárus Vilhjálmsson, 15.3.2007 kl. 13:45]

Nei ekkert af þessu eru öfgar. Aftur á móti eru alhæfingar um skoðanir annara öfgar.  Dæmi er setning eins og þessi

"Það er er öllum ljósta að hún og hennar skoðannasystur lifa í öðrum veruleika en við hin en þannig er það nú bara oft þegar fólk telur sig knúið til að móta heiminn eftir eigin ranghugmyndum"

[Vilhjálmur Andri Kjartansson (IP-tala skráð) 15.3.2007 kl. 14:52]

Setning sem þú tekur alveg úr samhengi enda verðuru að lesa hana með tilliti til greinarinnar sjálfrar sem komentið kemur að.