Hér á að stefna að lækkun tekjuskatts einstaklinga

Það er réttlætismál að jafna þann mun sem er á sköttum fyrirtækja og einstaklinga. Ekki með því að hækka skatt fyrirtækjanna heldur með því að gera rekstrarumhverfi þeirra enn betra t.d. með því að draga úr  reglugerðafarganinu sem er að sliga öll venjuleg fyrirtæki, með því að styðja vel við ný fyrirtæki með skattafsláttum fyrstu árin og svo framvegis. Eins væri hægt að breyta skattalögum í þá átt að tekjur frá hugverkaeign myndu falla undir fjármagnstekjuskatt en ekki tekjuskatt og það myndi laða til landsins hátekju listamenn líkt og gerðist í Írlandi fyrir nokkrum árum. 

Þetta myndi leiða til að tekjur ríkisins af fyrirtækjum og fjármagnstekjuskatti myndu aukast og við það myndi aukast svigrúm til að lækka skatta einstaklinga og bæta grunnkerfi samfélagsins í velferðar og menntakerfinu. 

Mikill meirihluti segir 35,72% tekjuskatt of háan

Athugasemdir

[Presturinn, 20.4.2007 kl. 10:46]

Sæll Lárus, þetta er spaklega mælt. Það er farið að fenna í evrópuréttinn hjá mér en ég held að ég geti sagt með vissu að það sé hæpið að skattaívilnanir til félaga standist nema að þær séu veittat til allra slíkra innan Evrópu. Ef við svo veittum öllum félögum sem stofnsetja sig eða opna útibú á Íslandi ívilnun mundum við laða að mikið af erlendu fjármagni. Eins og þú bendir réttilega hefur ekki verið gert nægilega vel við eigendur hugverkaréttinda og einkaleyfa. Á þessu þarf að ráða bót. Auðvelt er að flytja slík réttindi milli landa innan EES. Ef við hlúum ekki vel að eigendum þeirra munu þeir einfaldlega fara, svo einfalt er það. // við skulum líka hafa bak við eyrað að veita mönnum sérstakan afslátt á þróunar og rannsóknarvinnu auk þess sem kostnaður vegna hennar þarf að vera með öllu frádráttarbær.

kv Presturinn